((عيون،، السما))
من بين عيون السما،، بتمطر الدموع
تنزل علينا إنما،، نسألها في الرجوع
ابكي كمان و أروى،، كل الجراح فينا
تطرح بذور الخير،، تحكي في ماضينا
مين اللي كان السبب،، أصبح مجافينا
ولا قدر و اتكتب ،، و الصبر،، مش لينا
من بين عيون السما،، فاتت ،، غيوم و ضباب
عدت على أيام،، بين لمة،، الاحباب
لكن بقت فرقة،، مليانة،، شوق.،، و عذاب
مين فيهم اللي حضر،، و سأل على اللي غاب
و مين اللي يوم اشتكي،، ان الحنين،، غلاب
من بين عيون السما،، ابكي كمان و كمان
و أروى حنين الجفا،، و الفرقة،، و الاحزان
و نادي ع اللي غاب،، جايز مالوش،، عنوان
قوليله ان الوصال،، في القطع،، كان،، بُهتان،،!!!
بقلم الشاعر / ياسر عبد الحميد،،،!!!
ليست هناك تعليقات:
إرسال تعليق