( زمن التوهان ) / بقلم م / عبالحميد سالم

( زمن التوهان )  م/عبالحميد سالم
غطينى ياختى وصوتى
مش شعبولا أخد الدكتوارة
مع إنه جاهل وبصمجى
لكن الزهر طبعا لعب معاه
ومن بعد م كان مكوجى
هيفتح عيادة ويا أه يا أه
*****
حتى فيفي بقت الأم المثالية
بواحدة ونص وخمسة مواه
وسميه منحوها ختم الرسول
اللى م خدهوش إمام الدعاة
مهو زمننا بقى للهشك بشك
وإللى اتعلم بياخد على قفاه
*****
حمو بيكا بقى نجم النجوم
وحفلاته فشر حفلات حليم
رواده شباب متحرش بيشرب سموم
وع الاخلاق قول يا رحمن يا رحيم 
مهو انحلالنا ده مخطط مرسوم
من عدو عارف  يوصل لمبتغاه
*****
وعشان نرجع شبابنا لأخلاق زمان
لازم  يبقى قدوتهم عالم جليل 
وبدل رمضان م يبقى الاسطورة
يبقى يعقوب أو أحمد زويل
وعشان بلدنا بينا تبقى فخورة
بلاش وقتنا كله يضيع ف الكورة
ما بين أهلى وزمالك واحتقان
دا زمان جدودنا سادوا المعمورة
بالعلم  مش جيل عايش ف التوهان
*****
شباب ببجرى ورا  ممثلة مغمورة
عشان لحمها رخيص ودايما بيبان
ف مسلسلات تافهة وبرامج هابطة
وموسم الخلاعة خلوه ف رمضان
مع إنه شهر أيامه ولياليه مفترجة
فيها صلاة وصيام وتلاوة قرآن
وهما بالفن الهابط عايزين يغغلونا
عشان نفضل عايشين ف التوهان