( صباح الخير ) / بقلم الاديب عبالحميد سالم

( صباح الخير ) م / عبالحميد سالم
صباح الخير على عمال مصر فى عيدكم
رجالة بكل اطيافكم صباح الفل والياسمين
صباح نادى على عامل متكحول لبعد العصر   
وفلاح فى أرضه من النجمة مغروز ف الطين
صباح الفل على كاتب وملفاته م ليها حصر
ومقضى العمر محشور بينها ف الدواوين
اضحك ياصحبى م خلاص الدنيا هتزهزه
مهو حدنا الأدنى اتزحزح وصبح ألفين
بس وحياة أبوك م تبحبح  ولا تفنجر
وخليك على وضعك يمكن يكفى بالضالين
مهو ولاد الهرمة سبقوك وغلوا اسعارهم
ولا خلوا ف قلبهم رحمة وطول عمرهم أمكر
وقالوا الدنيا هتولع مهو بكره هيرفعوا  البنزين
وترجع ريما لعادتها والدنيا ف وشوشنا تتسنكر
لكن لأه  واللى هيغلى هنقاطعه ونكون أشطر
مهو احنا الأصل واللى هيحط علينا راح يخسر
وصباح نادى يا فخر بلادى صباح الفل والياسمين