الأكاديمية العربية المغربية للشعر والأدب

رفيق الدرب

رفيق الدرب يعنى صاحب وعشره

رفيق الدرب زى الدهب صافى 

يحافظ على سرك ولايخون فى يوم عشره 

ويستاهل أشيله طول العمر على راسى 

..

وقت الضيق بيبقى السند والعزوه

وقفتوا جنبك تزيدك قوة وتفيدك

لاتحس نفسك ضعيف ولا تقول عليه نزوه

وساعة الجد عمره فى يوم ما يسيبك

..

رفيقك زى دراعك ما يفارقك ولا يخونك

رفيقك هو الوحيد يشيل عنك ويساندك

ولا عمره يمشى خطوه من غير ما يشورك 

ولايخلف معاك الطريق ولا يعاندك 

..

رفيقك يعنى صاحب يحبك ويصونك 

ويبيع عمره عليك من غير ما يفكر 

وساعة السفر ترمى عليه همومك 

زى البحر لورميت فيه حزنك عمره مايتعكر 

..

الرفيق يعنى عقل على عقلك بيتشاوروا

لو عقل يخيب التانى يصيب ويعدل 

زى إتنين قاعدين بكلام يتحاوروا 

ولو واحد غلط التانى قاعد بيسجل 

..

أوعى تخسر رفيقك ليه حق عليك من يوم شافك

ولا تصدق عليه كلمه من غير ماتسمعها وبنفسك 

تشيله على الراس ولو وصلت على كتافك 

وروح عاتبه عشان محبتكم ولو جيت على نفسك 

..

رفيقك فى سفرك يعنى جيبك التانى

إن قل مالك يقسم معاك قوته

ويقول من غيرك اللقمه ما تحلالى 

وتحس بالوحده من بعد موته 

..

يارب إحفظ رفيقى وأسند عليه ظهرى 

ودمى من وريد إيدى يرخصله 

ولو شوفت فيه سوء أموت وبقهرى 

ورفيقك الجدع عمرك ماتنسى فى يوم أصله 

                  ...... شاعر الشعب أحمد خلف الحامدى ......