المسحراتي
🥁🥁🥁🥁
مسحراتي بصوت نادي
و ف كل عام لازم انادي
واقول اصحوا ,, يا,, نايمين
و ادق ع الطبله ,,ليلاتي
و بصوت ,, بيشدي و بنادي
و اقول ,, يا رب يا هادي,, و اسحر ,, الصايمين
و الف علي كل بيت ,, و انادي ع الاحباب
يا مسلمين ارتضيت ,, ادق ع الابواب
و اصحي في النايم ,, قوم،، اذكر أسم الله
دا ,, انت صابح صايم ,, يا موحدين ,, بالله
انا اصلي جايلكم ,, من بدري ,, أناديلكم
و بهني وادعيكم ,, وبحبكم ,, في ,, الله
كل عام ,, و انتوا ,, بسلامه ,, و خير يا احباب
كل عام في الشهر الكريم ,, و مجمع الاصحابب
صلوا معايا ع الحبيب ,, الهادي للاخيار
الفين صلا علي النبي ,, المصطفي المختار
اصحا يا نايم ,, سحورك سنة الصايم،، و كمل المشوار
صلى بعبادة،، و اقري الشهادة،، و صلي ع المختار
و قرآن يسمع،، كل مين يسمع،، و يوحد الغفار
تحلو بينا،، تراويح و زينا،، سنة نبينا
دا اللي يصوم لله و،، يحيي ركن في الاسلام
يضمن معاه السعاده ,, و يعيش حياه في سلام
🥁🥁🥁🥁🥁🥁🥁🥁🥁🥁🥁
بقلم الشاعر ✍🏻 ياسر عبد الحميد ,,✍🏻
ليست هناك تعليقات:
إرسال تعليق