قصيدة/الرهان
بقلمى/نيفار أحمد عبد الرحمن
🔺️🔻🔺️🔻🔺️🔻🔺️🔻
ساكته ليه
ما تقولي بعتي
يلي غدرك كان
حقيقة
اكدبي
قولي خسرتي
ما الخيانة ميت
طريقة
إجمّعي اوهام
عقيمة
قولي أصله ليه
عشيقة
قولي كنت
في حبه جارية
اللي خلاني
غريقة
بالهوي والصدق
شارية
كنت ضهره في كل
ضيقة
اللي علمني الحياة
جوه صدق
عيون
جريئة
كان لقلبي منتهاه
كنت انا
طفلة
بريئة
كل همي في الحياة
إني اعيش
لهواه
رفيئة
لما كنت بكون معا
كان بيهمس لي بغرام
قلبي ينسي
أي ضيئة
بس أنا
للحب ناكره
غدري بيه
لسه فاكره
مستحيل
اقدر اقوله
إني كنت
واحده فاجره
اترهنت عليه
في لحظة
كل اصحابي
ملاحظة
لهفته لما يقابلني
وانكره
والناس ملاحظة
اقتله بين العيون
لما يسمحلي أكون
عل الفؤاد متسلطة
اغري في هواه الحنون
كان بيوهبني الفنون
كنت قاصده إني اخون
اكسره وبالف لون
اوهبه شك وظنون
اجرحه لما يقابلني
بالاماني والشجون
انزعه لو حته مني
اللي زيه مش تصون
قلب عايش بالامل
كان في حاله بغربته
عاش مصاحب وحدتة
عاش غريب يحلم بكون
والنهارده بكسرته
حب يحبس دمعته
لما لاقي الناس بتضحك
واحدة بتهين عزته
لما اصحابها قالولها
ايوه وفيتي وعودك
وابتدي يزيد الرهان
اجرحي وخوني كمان
خليه مسخه للزمان
وصلي حد الجنان
اوعي يوم تتأخري
بالبرائة والحنان
إن قدرتي اتفشخري
قولي مالكه للكيان
كل كلمة بين شفايفه
امتلك فيها اللسان
ايوه انا بركان جنان
ايوه انا كسبت الرهان
مستحيل هقبل بواحد
يوهب الحب امتنان
مستحيل اقدر اعاشر
اللي قلبه لكدبي صان
كل ذنبه في الهوي
أنه أمان للشيطان
بقلمى/نيفار أحمد عبد الرحمن
ملكية فكرية مسجله باسمي
حقوق النشر محفوظة بإسمي
رقم الايداع/98005/2019
ليست هناك تعليقات:
إرسال تعليق