تعبتني من التعب
وانت غالي
وتضل وسط الكلب
اشلون ازعلك
وانت روحك
علمتني اشلون احب
انت يلحبك جنون
انت مخلص بالعشك
انت ماتعرف لعب
ومن تعاتبتي حبيبي
تروح هاي الروح مني
تصير روحك انت بيا
ومن تفاركني حبيبي
والله روحي تنسلب
ياحبيبي الحب عذاب
وانت دوم تلوم بيا
ومن تحاجني بعتب
اني من غيرك سراب
واقسمتلك ما اعيش بدون حبك
حتى لو حبك ذنب
اشكد تغار انت عليه
اشكد الي بكلبك حنان
تعتب ومجروح كلبك
انت ماعندك دغش
انت ديرة من الامان
والله احبك
مالي غيرك
من هذاك الوكت احبك
تدري بيا من زمان
اعتب اعتب
اعتب شماردت تعتب
ان ادري العتب مالك
مغمس بخبزة محنة
وراضع بصدر الحنان
اني احبك وابقى احبك
حتى اموت
حت بترابات كبري
اتصيح احبك
وتبقى روحي معلكه
بروحك حبيبي
وبلكت الله يقسمنا
نلتقي بدار الجنان
احمد البابلي
13/9/2019
ليست هناك تعليقات:
إرسال تعليق