قصيدة ياصاحبي / بقلم الأديب بسيوني صديق

قصيدة ياصاحبي
***************
ياصاحبـــــــي ليه تخون
بعد مأمنتك  علي ســري
ومشيت ورا الملــــعون
ونسييت إن سرك  سري
**************
يا صاحبي فين العهود
اللبن اصبح  رايـــــب
والندل دايما حســــود
والوعي عنده غايــب
***************
ياصاحبي اوعي تنسي
وخليك  حامد  وشاكر
الخسيس غدار بينسي
وفي أكل الحقوق ناكر
***************        
ياصاحبي الدنيا  فانيه
والباقي الكلام  الطيب
وكله بالحساب والثانيه
ياخوفي عليك   تتعيب
**************
ياصاحبـي انزع القنـاع 
ملامحك  كلها مكشوفة
بلاش التمثيل والخـداع 
والصراخ لعبة  معروفة
***************
ياصاحبي اصحي واتغير
وبلاش   مكر  الثعالـــب
الدنيا كلها بتتغيـــــــــــر
ليه الطبع عليك غالـــــب
****************
بسيوني صديق