انا مصر
(عمار يا مصر عمار)
انا مصر قبل الامصار انا مصر
مين قبلى فى الأقطار
ليا حدود متحدده بدقه معروفه
يابسه وصحارى وبحار
انا نيلى شريان الحياه فى قلبى
بيجرى اطول الانهار
مشوار طويل بيقطعه من منبعه
لمصبه بعزم وباصرار
عدى عليا الزمن سنه وراسنه
شامخه بواجه الاخطار
انا مصر مين قدي صابره وصامده
فيا الاعادى تحتار
وفى بطنى مقبره للغزاه يهود
هكسوس رومان وتتار
زالت دول وانمحت وانا مازالت
مهما الزمن مر ودار
انا مصرمهد الحضارات والمعارف
وعلومى لها اسرار
ياما دقت على الراس طبول
وتاريخى يحكيه السمار
ليا ولاد سمر بيضحوا من اجلى
على مر الزمان احرار
لو قلت ياولادى يلبوا النداء لا يهابوا
موت ولا اخطار
مين اللى يقدر يقرب منى حدودى
حمم ولهيب ونار
انا مصر المؤمنه من القدم عارفة
الحساب والجنه والنار
فجرالضمير عندى ابتدى متحضره
انا الفنون والعمار
انا اللى نطقت الحجر يحكى عن
عظمتى واسالوا الاثار
لو يوم مرضت بكره هتعافى قولوا
عمار يا مصر عمار
ربى ذكرنى فى قران وفى التوراه
وتجلى على الجبار
وقال ادخلوها امنين مطمئنين بلد
الصالحين و الابرار
انا مصر لابركع ولابنحنى ولايهزنى
محن ولا اخطار
الشاعر عبد المنعم حمدي رضوان
ليست هناك تعليقات:
إرسال تعليق