عاد الربيع تاني / بقلم د.عبدالحليم هنداوي

عاد الربيع تاني
جرى دمعى على خلي
بكى ليلي على طلي
أنا المحروم من حبك
متى الوصال يا خلي
صباح الورد يا غالي
وعطر الورد يهنى لي
ونور الصبح بجبينك
شعاع جميل بيلالي
وبوجودك هنا جنبي
ربيع العمر ناداني
زهور العمر ال جفت
تورق بيك من تاني
أنا المشتاق لودادك
اخاف الحزن يهواني
اصورلك ضنى روحي
لكن روحي بتنهاني
لكن بكره الربيع يجي
معاه تعود أشجاني
سنين عمري وأحلامي
وياك ترجع ربيع تاني
وتاني يرجع الوروار
يغرد فوق أغصاني
وصوت الحب يناديني
ويطربني ويشجيني
يخليني بيك طاير
وتحلو بيك أيامي
وتهنى بيك سنيني
أجفف دمع أجفاني
أودع بيك أحزاني
وكل الكون يشهد إن
ربيعي عاد من تاني
بقلمي د. عبدالحليم هنداوى
على بحر الهزج.