غدر الزمن (نص نبطي)
-------- بقلمي
طبع الزمن قاسي بلحظة يجافيك
واللي شغف قلبك بلاشي يخونك
ما هو بقدر الحب ما دام ساقيك
مُر الهوى والآه وهامل شؤونك
ما دام خان الود ونسي لياليك
اقطع حبل وده وداوي جنونك
ذي ما رعى حبك وكل الحلا فيك
ما يستحق اليوم دمعة عيونك
ما كنت اظن الحب ذي كان غاويك
يطفي ورد خدك ويذبل غصونك
ما بيك تتحسَّر حبيبي ولا بيك
ياغلى من عيوني تضيِّع سنينك
شوف الزعل والحزن ما هو مداويك
قلبي دوا حزنك وباقة فنونك
وشبيك يالغالي ترى القلب هاويك
يطلب رضا قلبك وبهجة فتونك
يشهد عليَّ الله ما ني بناسيك
ولا اقدر اتصور حياتي بدونك
من يوم قلبك مال ونسيت ماضيك
وعشقت غيري وارتضيته خدينك
ظلِّيت في الآهات ابكي واناجيك
ما ني مصدق كيف ميَّل سفينك
واترقَّب اللحظات وهمس الشبابيك
يحمل شذى روحك وهالة جبينك
واظن اقوال المحبين تعنيك
واحس بيك يمِّي تقلي شلونك
طيفك ملى عيني وفي القلب طاريك
ما يوم نسي اللي كان بيني وبينك
وكل شي فيني حبيبي يناديك
يتمنى يالمزيون ترحم ضنينك
حبك ملك روحي ولولاه ما جيك
اسكب ضيا روحي وكحِّل جفونك
ودي اضمك في ضلوعي واهاديك
انغام احساسي وطفِّي انينك
وتظل ويَّايَ حبيبي ونسيِّك
غدر الزمن وتعود ضحكة عيونك
ليست هناك تعليقات:
إرسال تعليق