((عيد جوازي-1-))
كل سنه وإنتي طيبه
يا نور العين
وإنت طيب
يا أبو محمود وحسين
بكره الأتنين
عيد جوازنا الأربعين
عيد جوازنا الأربعين!!
زي مايكون
لينا شهرين متجوزين
ومين طال مطالك
وحاله زي حالك
متجوزه معلم خبير
وشاعر كبير
******
يا ريتك صنايعي بيوميه
ولا عامل أجير
كنا بالبقشيش
نعرف نعيش
بكره تشوفي حاجات
وتعيشي عيشة البهوات
تحويشة أربع سنين
******
وأقول الفلوس فين
أتاريك جوين
عامل حساب بكره
عيد جوازنا الأربعين
غدا وعشا بره
وإللي عايزاه بالمره
وأجيبلك عبايتين خروج
كفايه واحده يا أبو محمود
وهاتلك بدلتين شيك
يليقوا بإسمك وبيك
وعشناها ليله
بألف ليله وليله
******
الشاعر محمد علي فرغلى احمد
ليست هناك تعليقات:
إرسال تعليق