عريان الضهر .. !!
إللي يرفض يعيش ..
تحت جناح ابوه
في ضل وأمان
وصدر حنان
هيعيش .. درويش
منتوف ... الريش
والضهر .. عرياااااان ........ !!
واللي يعيش ..
بدون "عيش"
ولا ... جيش
يحمي الأوطان
لو اتغطى بالأمربكان
يعيش العمر ندمان
والضهر .. عرياااااان .......... !!
واللي يعيش ..
يجري هنا وهناك
زي الأفلاك
ورا الإشاعات
وكلام خزعبلات
بطوله .... وعرضه
ويبيع دينه وأرضه
هيعيش زي الجرذان
تحت الجدران
والضهر .. عرياااااان .......... !!
واللي يعيش ...
من غير علم ونور
كريم ..... مستور
تلاقيه سكران
مخمووووور
ف ركن النسيان
خيال مآتة
جوا الأجران
والضهر عريااااااان .......... !!
واللي يعيش ..
خوااااان ....
ل " نصه الحلو "
ف ليل بهتان
فجر .. وعري
اشكال والوان
يعيش العمر
حقير وسفيه
ومن الأخلاااااق ...
عريااااااااااااان .............. !!
الشاعر/ منصور ابوقورة
ليست هناك تعليقات:
إرسال تعليق