ياساعي البريد
هتلي معاك جواب
من عند الحبيب يطمني
عن الاحوال وإيه جراله يفهمني
دا غالي على قلبي اوي وغيابه جنني
بقاله يجي سنه اتنين لاحس ولا خبر
وغيابه وسؤاله عني زلني و كاسرني
نفسي يجي رد منه لسؤالي عليه يطمني
والله ياحبيب قلبي يانور عيني فراقك
تعبني قوي وطير النوم م النني
ليه ياحبيب قلبي بقيت كدة ظالم قوي
وتعلمت الأسوأ دي من مين و أمته
أنا منك وأنت مني علشانك كل يوم اروح
وأسأل هناك عنك في رد لرسالة جالي منك
من بريد الشوق اللي ليك ظالمني
وصابر استنى أشوف فيها ردك
القا الساعي عليه حزين لما يشوف
دمعه عيني من النني
ويرد بكل خشى وكسوف ويداري
عينه في الكشوف وهو بيكلمني
مفيش رد على أي رسالة كنت بعتاها مني
ولا في تفسير واجابه واضحة
افهم منها إني مزعلك طب زعلان
من ايه وليه تكون زعلان مني
يرد البوسطجي عليه وهو خجلان
ويداري دمعة عينه لا كلامة يألمني
وأنا واقف شايف بعيني
دمعه نازل على خده وهو بيكلمني
وبيقولي إنه باين عليه في الغربة مشغول
طب هو إيه الشيء دا اللي شاغله
كل المده الطويله دي عني
يمكن حاجة تانية شاغلته وشايفها أحسن مني
وبقيت محتارة بكلم نفسي
وحاجات كتير دارت براسي صداع
كبير ووجع حاسس بيه بيقتلني
طب لو هو عامل مخاصم
وزعلان ومش عاوز يرد عليه يفهمني
مايسبنيش احتار وسط الأفكار
تاخد عقلى واتوه مني
ياعم يابوسطجي
أمانة عليك أمانة رد لي كل رسايلي
لأجل الحق والأمانة ومنك اديني إفادة
ومعاها أي إجابة شافية ترغمني
إن ماسئش الظن بيه بلاش تعب وحرقة
لسؤال مش لاقيه الإجابة عليه تريحني
أه يتعب قلبي وحرقتي
ويا مرارا على غابوا عن عيني
ما جاوبوني و في نار سايبني
يا غائبين عن العيون أجساد
في القلب والعين والله مكانكم
وانتوا اللي ساكنين
ياريت الأجوبة تكون واضحة وصريحة
وتعرفوني أنكم بخير وبصحة جيدة
والحمدلله
بقلم عبد المنعم مرعي
ليست هناك تعليقات:
إرسال تعليق