زجل
عيون الشرق
يا وجع عالوجع دقيت دقة
كفوفك باللمس ما فيها رقة
شقيت صدري وضليت مارق
بحنايا القلب عملتها أزقة
خمسين عام وبعدني غارق
بالحزن والعمر محسوب بدقة
صرت متل قنديل فتيلو حارق
نَشف زيتو والنور دفع حقة
بعدني ليل السهر ما بفارق
كل يوم بدق عابابو دقة
من عيون الليل النوم سارق
غفي الليل على حروف الورقة
يا رب أنا بوابك طارق
تشيل عني همي والمشقة
شيطان نفسي واقف عالمفارق
لعلو يعمر بالنفس شِقة
ما حزنت على عُمر مفارق
بهى الدنيا الوردها منقة
ولا عامُلك ذاهب بالمحارق
ولا عاولد حبوب الحُب فقة
حزني عاشعب غارق بزوارق
ببحر الخيانة طلعة الطلقة
وعاوطن عيونوا للشرق مشارق
تدمر جنوبوا وكحل عيونوا
بدم الشهادة غرقان غرقة
بقلم الشاعر والأديب يوشع علي إسماعيل
ليست هناك تعليقات:
إرسال تعليق