((أمي))
أمي يا بنت أبوزيد
الكرم والأخلاق آيه
ومهما أقول وأعيد
قمر والأصل كفايه
******
فين أيامك فين لياليكي
فين الطيبه وراحت البال
حلوه البسمه ف نن عنيكي
والضكه أجمل موال
******
أمي عاشت بس ليا
وياما ياما فرحت بيا
وبعد منها إزاي أعيش
ومنين تيجي الحنيه
******
ومين غيرها يسمعني
والحضن إللي يساعني
ومين علي قلبي يطبطب
ومين عن حزني يمنعني
******
ف اللحظه مسكت إيدي
طبطب علي إخواتك البنات
إبتسمت وسابت إيدي
وفجأه راحت من سكات
******
هان عليكي يا أمايا
أعيش أنا من غيرك
هان عليكي يا أمايا
وسبتيني زي غيرك
******
ألف رحمه ونور
عليكي يا أمايا
عايشه متوفيه
عايشه جوايا
******
الشاعر محمد علي فرغلى احمد
ليست هناك تعليقات:
إرسال تعليق