الطير المهاجر
يا طير يا مهاجر قول لي
إمتى تروح لحبيبي
وصل له سلامى وقول له
الهجر مكنش باءيدى
حبيتك وربك يعلم
بالفرقة وليل تعذيبي
وصل له سلامى وحبي
وابعت له سلام من قلبي
و احلف له بالعزيز الغالي
فراقه دا كان على عيني
يا طير يا مهاجر إوصل له
وصل له السلام ووصف له
أحوالي إزاى من بعده
والفرقة و اللوعة في بعده
غيابه دا كان على عيني
أمانه يا طير يا مهاجر
وانت فى طريقك سلم
على أغلى الحبايب عندى
وصلهم سلام متحمل
و بلغهم أنا ايه ذنبي
واشكى لهم عذابى وسهدى
و نهاري بيشبه ليلي
وحياتي ملهاش معنى
وإمتى الزمن يجمعنا
و ننسى الليالي المرة
فى وجوده الحياه لها معنى
يا طير يا مهاجر طير
مسيلى عليه بالخير
حبيبى فى الغربه ساكن
و لحبه في قلبى أماكن
بتمنى لقاه لكن
بعده دا كان على عينى
وصل له سلام مستعجل
دا سلام من ضي العين
وإرجعلى بأحلى هدية
رسايل ترد الروح
ومعاها الخبر اليقين
الشاعرة / منى العشرى
ليست هناك تعليقات:
إرسال تعليق