((فلاح كاجوال))
الفلاح عنتر زمانه
فاس الرجوله عنوانه
والخير مالى مكانه
الشقوق بصمة رجليه
ولايعرف شور وأوكيه
ورايح جاى شايل
موزون ماهوش مايل
تمللى يصحا الفجريه
والأمل نقش الملامح
والعزيمه حصان جامح
مهندس عم أقرانه
والساقيه تعزف ألحانه
******
لف الزمان ودار
وعما التقليد عار
ركب موجة الحداثه
ف سهر مالوش عازه
المواعيد فيها أزمه
ف رجليه شراب وجزمه
وسماعة الفون ف ودانه
رايح جاى يتمشور
والدندنه منه تتنتور
يوصل هناك الغيط
يعلى الصوت ويزيط
و ف ضلة الجميزه
يتحزم يرقص ويغنى
يرقص والطبله لذيذه
عايش مبسوط متهنى
يسأل ويقول أوكيه
ولا عارف إيه وليه
وكالعاده الديون تتجدول
فلاح عايش كاجوال
وكالعاده الديون تتجدول
فلاح عايش كاجوال
******
الشاعر محمد علي فرغلى احمد
ليست هناك تعليقات:
إرسال تعليق