زجل
السبع
سبع ملك الوحوش فقد في يوم عزوته
حشود ذئاب ضباع وقرود كسروا فيه نخوته
في لحظة حبايبه باعوه كانوا سبب كسرته
أسير في سجن اللئام محسور علي بلوته
أه يا زمن غدار دوار عليك يا سبع
نهشوك وسط الدار كلب معاه كام ضبع
ذئب خسيس قادهم في وسط الجمع
ما شفت صحبة تصون ماذرفوا فيك الدمع خدموا فيك أجيال راكعين تحت القدم
خاضعين كما الأندال الرفض منهم عدم
ذئاب كلاب وقرود عبيد جواري وخدم
حان وقتهم في قيود ويفيد بإيه الندم
السبع عاش في القفص الحسرة بزئيره
الكلب نهش بغل رفس ياما شافوا من خيره
واللي في ألمه رقص بكرة يشوف غيره
حتغنوا يا ألف خسارة علي موته ومصيره
أصل الخسيس لو عز يبان في أصله جبان
بدق الطبول يتهز والخسة منه تبان
يذل إبن الأصول في زمنه الكريم يتهان
يجول في المذلة يصول ظهر بأصله وخان
الحزن ساد الغابة عاشوا الهوان والذل
دموع في عيون الغلابة الهم منها يطل
الدنيا ياما قلابة ما ترضي يوم وتحل
فيها الكلاب كذابة تهين الأصول وتذل
قالوا عليك يا سبع فين الكرم وزمانك
حزنوا عليك الجمع ذرفوا الدموع علشانك
ويفيد بإيه الدمع بعد الضياع وهوانك
شفنا العذاب والردع وكنا في ظل أمانك
وعجبي
بقلم شريف محمد شحاتة مصر
ليست هناك تعليقات:
إرسال تعليق