///مخدوع///
٠٠٠٠٠٠٠٠٠٠٠٠٠٠٠
عشت طول عمرى٠٠٠ معاكى
وأنا للأسف وبكل أسف ٠٠٠٠٠٠٠مخدوع
ومفكر إنى مالى كل هواكى
وإن حبى بالنسبة لك هو كل الموضوع
لكن بعد صدك ليا وجفاكى
إكتشفت إنى كنت على الرف موضوع
وإن حبك كان سبب هلاكى
لإن ما نابشى قلبى فيه غير ألم ودموع
وبعد ما كان طاير وهايم فى سماكى
وقع من العلالى وأصبح مكسور وموجوع
٠٠٠٠٠٠٠٠٠ لإنه كان عايش طول عمره معاكى مخدوع !!!
ليه مقدرتيش إنى محبتشى حد سو اكى؟
وطول عمرى حبك جوا قلبى ساكن وموضوع
وكنت بحاول دايمآ أنول ودك ورضاكى
وقدت لك قلبى وصوابعى تنور بدل ٠٠٠الشموع
ولما كنت بنول بس نظرة من عيناكى
كان القلب بيرقص جوا٠٠٠ صدرى ٠٠٠ والضلوع
وف تعبك كنت بقولك روحى فداكى
وببعت لك قلبى يحرسك فى الذهاب والرجوع
وكنت بشاركك فى حزنك وفرحك وبكاكى
وبشفايفى كنت بمسح آلامك وتعبك والدموع
معقولة بعد دا كله٠٠٠٠٠٠٠٠٠٠٠٠٠ ألقاكى
إنتى اللى راشقة خنجر غدرك بين٠٠٠٠ الضلوع
وإكتشفت من بعد سنين وأنا بستناكى
إنى كنت بجرى ورا أوهام وإنى كنت مخدوع
طب قوليلى إزاى٠٠٠٠٠٠٠٠٠٠٠٠ أنسا كى؟
وأقلع أشجار حبك ٠٠٠٠٠٠
اللى جدورها مكلبشة جوا قلبى ٠٠٠٠٠٠ والفروع
وإزاى هعيش من غيرك يااللى كنتى ملاكى؟
وهل هعيش من غيرك وألا قلبى فى الحياة هيضيع ؟
وإزاى ههرب من حبى ليكى ٠٠٠٠ وذكر اكى؟
يااللى كنتى لحياتى٠٠٠٠
نسيم الحياة٠٠٠٠٠٠٠٠ ونبض قلبى٠٠٠٠٠٠٠ والينبوع
إزاى بس وإنتى توهتينى٠٠٠٠
٠٠٠٠٠٠٠٠وضيعتينى٠٠٠٠٠٠٠
وضيعنى منى كمان حتى٠٠٠٠٠٠٠٠٠٠٠٠ سكة الرجوع٠٠٠٠٠ ٠٠٠مش قادر أصدق إنى كنت فى حبك مخدوع٠٠٠!!!!
٠٠٠٠٠٠٠٠٠٠٠٠٠٠٠٠٠٠٠٠٠٠٠
بقلمى( إبراهيم صابر)
ليست هناك تعليقات:
إرسال تعليق