إياك تآمن بشر
فى ناس تحب العشرة
وناس ميتعشروش
إنسان تحتار فى وصفه
والنية خير وبشوش
وناس تبوس راسها
وناس عليها تدوس
وناس أصيلة أوى
الأصل فيها دروس
وناس تفرح لفرحك
والنية حب الخير
وناس بتبعد عنك
ولا يجى منها الخير
وناس تحب سيرتها
تحزن فى يوم خرجتها
الرحمة عليها تجوز
إياك تأمن بشر
فى الدنيا شفنا العبر
والحظ للمحظوظ
كل الأفاعي تهجمك
لسانها سمه قتيل
ترفع راسها تحورك
والخبث فيها دليل
لو شفت القمر طالع
إعرف سعاته قليلة
و الواطي مهما علي
يجيلك بميت حيلة
أساطير بنسمع عنها
وناخد منها العبر
نشوف معانى جمالها
نجارى بها البشر
فى ناس تحب كلامها
بتسيب علامة مكانها
وناس تسمع كلامها
تلاغيك وما تفهمها
حوارات وملهاش لازمة
بياع كلام بالحزمة
وان داس فى يوم بالجزمة
ع الأرض مايبنشي
واقف وكأنه بيمشي
والأصل مش موجود
هو الخسيس كدا
ملعون فى كل زمان
دايما ملوش أمان
حكاياته مبترويش
رغاى كلام ع الفاضى
وعامل لى فيها درويش
الشاعرة / منى العشرى
ليست هناك تعليقات:
إرسال تعليق