شمس العزة
احنا الأول و احنا الثاني و احنا الكل
بكرا يعني شمس العزة رح بتطل
احنا القلنا للزيتونة صرنا أهل
فلسطينية إنتي الشجرة و إنتي الظل
قالوا عنا شو ما قالوا ما ممننذل
حط ْ ضلوعك زي الصخرة فوق التل
منحكي عربي..بس الحالة بدها حل
فاتت غبرة ع َ المواقف زعل الحقل
من عادتنا لمّا منحزن منزرع فُل
شو ما بدك خبَر وعدك لمّا يهل
شايف صورة عم تتوجع تحت النخل
احنا المية و احنا التربة و احنا الأصل
ما في برا غير القتلوا فينا الطفل
يلي ماشي مع دماتك تسقي السهل
أنت َ الموسم و المتعدّي تحت النعل
ما رح تركع غير لربك عز و جل
و اللي زايل شو ما ساوى هو المحتل
سليمان نزال
ليست هناك تعليقات:
إرسال تعليق