خدعة الأحلام
وقع السلاح من ايدالفارس وانقطع اللجام.
ووقع الفرس بصاحبه على أرض المعركة وهرب الفارس كالغلام
في ثانية خاف على روحه ورمى من ايده الحسام.
وقال الهروب أفضل من ميتة وذل ويستهزؤوا بيك العيال
والدنيا بعد ماكانت بتضوي في عينه ضلمت وكساها الغيام
ورجع بيته وقفل على نفسه وعدى شهور وأيام..
ولاقدر ينسى كسرته ولاقدر يرجع تاني فارس همام.
بيبكي على نهايته ماكانشي
يخطر في باله يهزمه العمر وتهزمه الآلام.
مش عارف يعمل إيه تاه في سكته والكواببس سكنت جواه بدل الأحلام
والغراب عشش فوق شباكه وطرد اليمام.
وعذابه طال والبخت لمايميل ماتعدلوش الأيام.
لحظة ضعف لما اتملكته جبن وخاف ويفيد بإيه الندم الزمان اختلف وإللي كان في الآخر بقى في الأمام.
والمنافق الدون بقى يصلي بالناس إمام.
وهو دا حال الدنيا اتشقلب وإللي تحت بقى فوق نفوق بقى من خدعة الأحلام.
أشرف محمودعيسى
ليست هناك تعليقات:
إرسال تعليق