عيشوا اللحظة
ياحبيبي كلما هب الهوي
ــــــــــــــــــــــــــــــــــــــــــــــــــــ★★★ـــــــــــــ
عيشوا واتبسطوا وأفرحوا وفرحونا
اللي جاي أبدا مش قد اللي راح صدقونا
ولحظة السعاده مابتتعوضش لو تعرفوا
والعمر ماهو إلا مجرد رقم ولا تحسبوا
ماتحاسبوش الناس حاسبوا نفسكوا
وماتصاحبوش النكديين بلاش تتنكدوا
خليك فريش زي العصير اللي بتشربوا
والكلمة الطيبة علي لسانك دوا جربوا
وابتسامتك جواز مرورك جرب هايقربوا
كونوا قليلي الكلام كثيري الإحسان تكسبوا
لا تتجهموا في وجه الناس منكم يهربوا
واختار المرأة الرقيقة لقلبك تونسوا
وإياك من الثرثارة عقلك تهوسوا
خد الحيية الرزينة مقامك تزينوا
هدوئها وحكمتها عمرك تزودوا
المرأة قارورة عسل تشربوا
ومصباح البيت بنورها تنوروا
هي الحفظ والصون والوفا
هي الأنس والونس والدفا
هي الجندي المدافع عن حبنا
هي جنة الحياة رزق من ربنا
هي الشهر اللي زاد من عمرنا
هي الزاد والزواد وحافظة سرنا
هي تاج علي الرأس ساكنة جوا عنينا
هي الثقة للرجل واقفة دايما في ضهرنا
هي أصيلة لو علي الحصيرة تنام جنبنا
لقمة حلال بدقة وملح تشبعنا وتكفينا
هي حضن دافي في ليالي الشتا تضمنا
هي غطايا وستري وأنا حصنها وسترها
أحنوا عليها وأدللها وأتقي فيها ربنا
هي من ضلعي الأعوج وأنا قوامها
هي عزوتي ودنيتي وأيامي اللي جايا
هل سبتمبر القادم بداية حياتنا وعمرنا
أم سنرحل ولم نتمم لقاءنا ووعدنا
أغدا ألقاك ويكتمل بالشوق فرحنا
أم سنقول يا خوفنا من لقاء غدا
بقلمي
عمده الكلمة
العمده ماجد خليل بني همام
الف ليله وليله ليال
ليست هناك تعليقات:
إرسال تعليق