أغنية
خصامه
كل يومين يخاصمني يغضب ما يكلمني
رقيق قوي في إحساسه ساقيني المر بكاسه
نفسي أوصل لأساسه يهدي ما يزعل مني
كل يومين يخاصمني
مرهف جدا هو من كلمة بيتأثر
يكتم ألمه جوة ومشاعره تتغير
لو خان يوم تعبيري وما فهم تبريري
يغضب من تفسيري فترة ويبعد عني
كل يومين يخاصمني
قلت له يوم يعاتبني لو اخطأت في حقه
مش يرحل ويسيبني أو ياخد علي خاطره
وأنا افرح بعتابه بدل الشوق وغيابه
ليه مكتوبلي عذابه ولما يغيب يظلمني
كل يومين يخاصمني
الحيرة إللي في قلبي من إحساسه وطبعه
أكتم خوفي وأخبي أدلع فيه وأطاوعه
لو كلمة غلط في لساني علي طول كدة ينساني
ينسي الشوق وحناني ومن وصله يحرمني
كل يومين يخاصمني
كل يومين يخاصمني يغضب ما يكلمني
رقيق قوي في إحساسه ساقيني المر بكاسه
نفسي أوصل لأساسه يهدي ما يزعل مني
كل يومين يخاصمني
بقلم شريف محمد شحاتة مصر
ليست هناك تعليقات:
إرسال تعليق