أغنية
غزال
خطوتك الحلوة قصادي تشغل قلبي وتسحرني
جمالها جمال مش عادي ويتوه بالي وتأسرني
تشغل قلبي وتسحرني
يا غزال ماشي بيتمخطر مع ذوق وجمال خلخاله
أحتار في الخطوة أفكر فين أسأل أبوه أو خاله
ماشي فرحان بجماله في كل خطوة بيمشيها
مغرور بطبيعته وحاله من شوق الناس حواليها
لو حس بنبض قلوبنا ما سهرنا الليل ولا دوبنا
كان يمشي وسط دروبنا كلمة حاضر تسعدني
تشغل قلبي وتسحرني
فكرت أنا أمشي وراه أهمس بمشاعري وأغازله
أقوله أنا روحي معاه قلقان لا تشوفنا عوازله
وكمان أنا قلقان منه ودي أول مرة يشوفني
خايف من تقله لأنه يحرج قلبي ويكسفني
لو بس يحن عليا أو يقبل مني هدية
يرضي ويفهمني شوية أو يسمع أحبك مني
تشغل قلبي وتسحرني
فيه نظرة منه جميلة تسحرني بطرف عينيها
وليالي العمر قليلة ليه نندم بس عليها
ماشي فرحان تتمايل وشايفني قاعد قدامك
ليه حنقضيها جمايل دي هدية علي قد مقامك
روحي هدية راح أقدمها بإيديا أنا أسلمها
إقبل روحي ما تحرمها نظرة عينك تفتني
تشغل قلبي وتسحرني
بقلم شريف محمد شحاتة مصر
ليست هناك تعليقات:
إرسال تعليق