زجل
بياع هموم
بياع هموم ماشي أوزع لا فاضي أطبطب وأدلع
أقول كلام لاذع يوجع لو مش عاجبكم فارقوني
مش قد قولي ولا لساني إبعد وشوف واحد تاني
صادق وصفاتي عاجباني بلاش تثير فيا جنوني
لو قلت إن كلامي جارح قلبي وحش مش بيسامح
لا عايز أفسر ولا شارح البغض واضح بعيوني
سئ في بيعي وتجارتي قابل سقوطي وخسارتي
لا أحب جاري ولا جارتي كتير في شكي وظنوني
حتي مشاعري أنا قاسي أحب وتاني يوم ناسي
كفاية همي اللي براسي لو محتاجين هم خدوني
البغض باين علي وشي الفقر صديقي في عشي
أقول لضيفي ياريت تمشي زيارة بايخة قرفتوني
مقرف مزعج في صداقتي بالسفاهة يضيع وقتي
سب هجوم هما طريقتي علي إيه بقى تصاحبوني
لو فيه جزيرة بعيد عنكم أعيش وحيد أرتاح منكم
عيشوا في بياض قلوبكم أهم حاجة تبيعوني
أه ياني
بقلم شريف محمد شحاتة مصر
ليست هناك تعليقات:
إرسال تعليق