.💥 قسوة الأحباب 💥
◇■◇■◇■◇■◇■◇
فرفط حروف الكلام
سأسأها ...... بمحبة
واربط لجام اللسان
وفرمله ........ حبة
دا اللي بلسان زالف
لو فــ المسا .. حالف
في صباحه بيخالف
ومعاملته ..... سُبة
قصر فــ قول العتاب
لما تلاقيه ...... هيٌن
ورد .... مليون باب
ع الضعف .. ما تبيٌن
هايفيد بإيه الكلام
هايرجع الأيام ....؟؟
ولا يداوي آلالام .؟؟
والدنيا ....... هاتليٌن
خليك تقيل فــ الرد
وابقى كتير ... فووت
فيه قول بيقطع ود
ولعشرة ....... بيموت
أما السكوت من دهب
بيحصنك .... م التعب
ويرد باب ..... الغضب
وفــ ضعفنا ... يقووت
لملم جراح روحك
لفلفها جوا الشاش
وقف خلاص بوحك
دا وقته لسه مجاش
كل الروابط سراب
والود ..... بلغ غياب
من قسوة الأحباب
عودك وعودهم باش
✍️ Zainab Selim
ليست هناك تعليقات:
إرسال تعليق