((المأذون))
خطوبه
والخطوبه فيها حوارات
رايحين جايين إشتغالات
وكالعاده ف الخطوبه
إللى واخدها عادى
وإللى قاعد قعادى
وإللي ف وشه إبتسامه
وإللي علي وشه الكآبه
وبعد قراية الفاتحه
قالوا بكره الكتابه
عايزينها تبقى لامه
والبلد الدعوه عامه
إجمعوا الأهل
ويا الأحباب
والدق زاد ع الباب
ومين تانى ها يكون
إفتح أنا المأذون
وأنا ع الفرح ملهوف
مشغول وشوية خوف
المأذون
فين العريس
تعالي هنا جنبي
فتح الدفتر
أمسك القلم
سمي وصلي
وهنا إمضي
بصلى من فوق لتحت
واخدها ردم وبحت
وسع وإظهر الحروف
يا أخى دقلك ختم
وأبوى يضرب كف ف كف
ختم ؟
يادى الكسوف
يا ولدي معاك دبلوم
يا ولدى أعمل معروف
وسع وبين الحروف
وإللى على وشه الكآبه
وأمتى الفرح ها يكون
فرح أيه تانى
كفايه فرحتى بالمأذون
كفايه فرحتى بالمأذون
******
الشاعر محمد علي فرغلي أحمد
ليست هناك تعليقات:
إرسال تعليق