زجل مغربي
#كمشيني يا لالة...
كمشيني يا لالة كمشات كبار
من يديك الما الصافي يرويني
نشرب من يديك نشفي من لضرار
بين يديك نطيح وانت تديني
نشوفك وردة جميلة كل نهار
وعينك تشوف تبحر في عيني
والعينين الي تلاقاو فالانظار
بالشوفة نفنيك وانت فنيني
نسكن لك فالقلب نبني فيه الدار
نهمس ليك بحب وانت سمعيني
ونباتو بعناق ما يطلع نهار
وشعورك طلقي عليا غطيني
فتحي صدرك را لي فيهم يتزار
رمان الجنان منهم تعطيني
نعصرهم تما تنسيني لمرار
ونقول آتيتيش زيدي ضميني
فمك في فمي وصدرك ليا دار
ما نصبرش عليك يا قرة عيني
راني خفت نزيد ما نيشي صبار
و الصبر يلا طال راه يبكيني
من راسك حتي رجليك
انت دار
نسكنها سدي عليا سجنيني
منبخلش عليك نعطي بالقنطار
قولي لي نبغيك زيدي حليني.
بكنوزك الغاليين على لكبار
طالب راغب فوقهم تحطيني
ونذوبو في بعضنا نار ونوار
هذا سر الحب علمتك ديني.
حسن مكاوي بالحبيب
ليست هناك تعليقات:
إرسال تعليق