مصر زمان
للشاعر مصطفى ابوزيد
كان الزمان نور
وفيه القلب مسرور
وشوارعنا كانت عطور
وناسها وشوشها سرور
والاحترام ماشي بدستور
والأدب ساكن في الصدور
والنضافة في البيوت قصور
والصحبة ريحتها بخور
والجار للجار كان جسور
يقسم معاه العيش والحبور
والضحكة من القلب كانت تدور
واللمة تحلى بيها السطور
وأيام الجامعة ليلها أنوار
والسينما بستاشر قرش نطير
وجاتوه الأمريكيين يا حكاية سكر
ندوقه وتحلى بينا المشاوير
وفيلم يفضل سنة على الشاشة يدور
في ريفولي ومترو يا سلام يا نور
وراديو يونسنا بصوت وحضور
وأغنية تهز القلب وتفك الأسير
كنا نحس مصر وتر
رقيقة ورومانسية ونَفَسها عطر
في كل حارة حكاية وعمر
وفي كل بيت محبة وسِتر
يا مصر يا محروسة يا أجمل بحور
فيكي الحنين لسه ساكن في الصدور
مهما الزمن لف ودار ودور
يفضل زمانك في القلب محفور
مصر زمان يا أجمل حضور
يا ضحكة كانت من غير فتور
لسه الحكاية جوانا بتدور
ولسه بنغوص في بحر الحنين ونغور
ليست هناك تعليقات:
إرسال تعليق