((أول حفيد))
في 2007/5/26
الأكيد النهارده عيد
شرفنا أول حفيد
كريم وعلينا كريم
وست الكل أمي
كبرت ياواد
وبقيت جد
تفرح بالباقين
وتروح الحج
يا أمى شعرى شاب
يا واد قلبك شباب
وإللى إنت فيه
خليك فيه
أوعى الدنيا تلهيك
وتنسيك إللى ليك
متزعلش ع إللى راح
وإللى غدرك ما يرتاح
عهد بيني وبينك
ما تقوله سماح
دا أنا إللى شفت
إللى ماشافتوش عينك
أوعاك وإخواتك البنات
ودهم تلقانى هناك
البنات همه إخواتى
البنات همه بناتى
يطول عمرك يا أمايا
هوا أنا عايز وصايه
وفرحتى بأول حفيد
أعيشلهم شمعه تقيد
أعيشلهم شمعه تقيد
******
الشاعر محمد على فرغلى احمد
ليست هناك تعليقات:
إرسال تعليق