زجل قصيد باللهجة العامية اللبنانية
بداية الإنسان
بيجي الانسان عالدنيا ملتم
ملفلف بسواد العين معتم
أربعين يوم عيونوا نامت
بالملفي سر النور مُكتم
فراشة الرحمة بملفتو حامت
هل هلالها بأمر مُحتم
سواد العين من العين قامت
عملت عرسها بعد المأتم
ثلاث شهور الطفل صامت
لسان العبد في مهدو ميتم
بِدي يكاغي الفرحة عامت
رب الكون أنطق الأكتم
يا أمي صرخ ما تعامت
مهجة قلبها ضوى الأعتم
يا أبني بأولك ما نلامت
نفسك بطريق خيرها اهتم
الروح بتكامل خلقها تسامت
حافظ عليها بطهر مُختم
الوردة بربوعها كبرة تنامت
إذا يبستها عليها بتُأتم
وعي الشب جروح الهوى هامت
شيطان النفس بالنفس تمتم
الدنيا لغيرك ما دامت
لا تخلي وسواسك بضهرك يطعن
بصير نهارك متل ليلك أقتم
بقلم الأديب والشاعر يوشع علي إسماعيل
ليست هناك تعليقات:
إرسال تعليق