عايزة حاجات.
انتي عايزة حاجات أنا مش هاقدر أديهالك.
عايزة تعيشي فيلم وقصة مش هامثلهالك ..
فاكرة نفسك في فيلم و نجوم السيما بتدق على بابك..
وللا فاكرة نفسك متجوزة كرم مطاوع وفارد درعاته قدامك.
انتي متجوزة راجل شقيان الدنيا ملطشة فيه قدامك..
ياستي الدنيا دغدغت فيا كويس اني واقف على حيلي أمامك
مش عايزة تعيشي وتمدي رجلك ليه على قد الحاف اللي قدامك .
عايزة كلام حلو على طول والورد يترمي على بابك.
ورسايل غرام وانتي قاعدة جانبي اكتبهاواقولك شبيك لبيك انا من خدامك.
وناسية اني يومي طويل وليلي قصير ويادوب اللقمة باجبهالك.
مش فاضي أغني مواويل وأسهر طول الليل وأجيلك في أحلامك.
انا بحبك وللا أنتي مش حاسه والخاطر دا ماخبطش على بابك.
لكن مفرمة الحياة مش مخلياني احسسك باللي في قلبي دا انا زمان سبقت كل خطابك..
طلباتك عندي أوامر باتعب وباشقى علشان أجبهالك.
وبعد كدا برضه مش عاجبك قلت اللي عندي
اهدي بقى واخزي شيطانك.
أشرف محمود عيسى
ليست هناك تعليقات:
إرسال تعليق